26 ივნისის მთავრობის სხდომაზე გაირკვევა, რა სტრუქტურით გააგრძელებს მთავრობა მუშაობას და რომელი სამინისტროები აღარ იქნებიან მის შემადგენლობაში.

მინისტრთა კაბინეტის სხდომა 12:00-ზეა ჩანიშნული და სულ 13 საკითხი განიხილება. პირველი საკითხი ეხება საქართველოს კანონის პროექტებს საქართველოს მთავრობის სტრუქტურის, უფლებამოსილებისა და საქმიანობის წესის შესახებ ცვლილებებს.

მთავრობის 26 ივნისის სხდომა მამუკა ბახტაძისთვის პირველია, საქართველოს პრემიერ-მინისტრის რანგში.

ბახტაძემ დაადასტურა, რომ სამინისტროების რაოდენობა 11-ზე მეტი არ იქნება. მისი განმარტებით, სამთავრობო ცვლილებები მას შემდეგ განხორციელდება, რაც მთავრობის შემადგენლობაში სტრუქტურული ცვლილებები შევა და კანონის დონეზე დამტკიცდება.