სახელმწიფო აუდიტის სამსახურის ინფორმაციით, სავარაუდოდ, ვერ განიხილავენ ახალი პრემიერის, მამუკა ბახტაძის შესაძლო კანონდარღვევის საქმეს, რადგან შესაბამისი მუხლით დანაშაული ამნისტირებულია. საერთაშორისო გამჭვირვალობა - საქართველოში მიაჩნიათ, რომ 2012 წელს ბახტაძის სახელით ნაციონალური მოძრაობისთვის ფულის გადარიცხვის საკითხი შესასწავლია.

იმის მიუხედავად, რომ ამ მუხლით 2012 წელს ჩადენილი დანაშაული დასჯადი აღარაა, არასამთავრობო ორგანიზაციაში მიაჩნიათ, რომ უმაღლესი პოლიტიკური თანამდებობის პირის საქმეში მონაწილების გამო საკითხი მაინც შესასწავლია.

"საერთაშორისო გამჭვირვალობა - საქართველო ამ შემთხვევის შესასწავლად მაინც მიმართავს სახელმწიფო აუდიტის სამსახურს, რათა დადგინდეს სიმართლე", - წერია ორგანიზაციის განცხადებაში.

საერთაშორისო გამჭვირვალობა-საქართველოს მთავარი იურისტი, გიგი ჩიხლაძე On.ge-სთან საუბრისას ამბობს, რომ 2013 წელს მსგავსი პრაქტიკა სახელმწიფო აუდიტის სამსახურს უკვე ჰქონდა, როცა ამნისტირებულ დარღვევაზე მაინც იმსჯელა და სამართალდარღვევის ფაქტი დაადგინა. ჩიხლაძის თქმით, განსხვავება ამ ორ შემთხვევაში მხოლოდ ისაა, რომ მაშინ აუდიტს პროკურატურამ მიმართა, ხოლო ახლა - არასამთავრობო ორგანიზაციამ.

19 ივნისს ახლანდელმა საქართველოს პრემიერმა, მამუკა ბახტაძემ განაცხადა, რომ 2012 წლის აგვისტოში ნაცინალურ მოძრაობას "სხვისი ფული შეწირა". მისი განმარტებით, 2011 წლიდან ქართული ოცნების მხარდამჭერია და მისი პირად ანგარიში გადარიცხვისთვის ტექნიკურად გამოიყენეს.

ამავე თემაზე: