მოსკოვში ტაქსი ტროტუარზე ფეხით მოსიარულეებს დაეჯახა, მათ შორის არიან ფეხბურთის მსოფლიო ჩემპიონატის გულშემატკივრები. Meduza-ს ინფორმაციით, შემთხვევის შედეგად დაშავდა რვა ადამიანი, აქედან ორი მექსიკის მოქალაქეა. დაშავებულთაგან შვიდის მდგომარეობა დამაკმაყოფილებელია, ხოლო ერთის საშუალოდ მძიმე.

მანქანის მძღოლი, ყირგიზეთის მოქალაქე, რომელმაც მიმალვა სცადა, დააკავეს. თავდაპირველად ვრცელდებოდა ინფორმაცია, რომ შესაძლოა ის ნასვამი ყოფილიყო. თვითონ მძღოლი კი ამტკიცებს, რომ საჭესთან ჩაეძინა და სიჩქარის მუხრუჭზე ფეხი დაეჭირა, რის გამოც ხალხს შეეჯახა.