საქართველოს უნივერსიტეტი მთავარი პროკურორის შერჩევაში მონაწილე უნივერსიტეტების სიასთან დაკავშირებით სპეციალურ განცხადებას ავრცელებს.

"იუსტიციის სამინისტროს ინფორმაციით, საქართველოს მთავარი პროკურორის შესარჩევად დაიგეგმა საჯარო კონსულტაციები, მათ შორის აკადემიურ წრეებში. ამ მიდგომას მივესალმებოდით, რომ არა ის გარემოება, რომ მონაწილეობის მისაღებად მოწვეულ უნივერსიტეტებს შორის არ აღმოჩნდა ისეთი წამყვანი უნივერსიტეტი, როგორიცაა საქართველოს უნივერსიტეტი. საგანმანათლებლო დაწესებულელების მიმართ ასეთი მიდგომა გაუგებარ პრინციპს ეფუძნება, რაც პროცესის დისკრედიტაციას ახდენს.

საქართველოს უნივერსიტეტი არის ადგილი, სადაც სტუდენტებს ასწავლიან ობიექტურ აზროვნებასა და ანალიტიკას. საქართველოს უნივერსიტეტის სამართლის პროგრამა ცნობილია უმაღლესი დონის სწავლებით, დარგში წამყვანი პროფესიონალების მიერ. არ გვინდა ვიფიქროთ, რომ ეს არის ის მიზეზი, რის გამოც საქართველოს უნივერისტეტის მონაწილეობა ამ გადაწყვეტილებაში არ არის მიჩნეული მიზანშეწონილად. ვთვლით, რომ ასეთი მიდგომა შეუფერებელია იმ უწყებისათვის, რომლიც უნდა იყოს სამართლიანობის, ბალანსის და ობიექტურობის მედროშე ჩვენს ქვეყანაში.

აუცილებლად მიგვაჩნია, იუსტიციის სამინისტრომ განმარტოს, რა პრინციპით მოხდა პროკურორის შერჩევის პროცესში მონაწილე უნივერსიტეტების სიის დადგენა და კონკრეტულად რა მიზეზით არ ეძლევა ამ პროცესში მონაწილეობის საშუალება ქვეყანაში ერთერთ წამყვან საგანმანათლებლო დაწესებულებას - საქართველოს უნივერსიტეტს", - ნათქვამია განცხადებაში.