დღეს, 6 ივნისს, თბილისის დროით 17:07-ზე, სომხეთში, საქართველოს საზღვრიდან 26 კილომეტრში 4,3 მაგნიტუდის სიძლიერის მიწისძვრა მოხდა. ინფორმაციას ილიას უნივერსიტეტის სეისმური მონიტორინგის ეროვნული ცენტრი ავრცელებს.

მიწისძვრა რეგიონში გუშინ, 5 ივნისს და დღეს დილას ორჯერ დაფიქსირდა. პირველი 5 ივნისს, თბილისის დროით 22:40 საათზე, აზერბაიჯანში მოხდა და მისი სიდიდე 5,7 მაგნიტუდას შეადგენდა. დღეს დილას, 03:58-ზე სომხეთში მომხდარი მიწისძვრის სიმძლავრე კი 4,2 მაგნიტუდა იყო.