ხორავას ქუჩაზე მოკლული არასრულწლოვნის დათო სარალიძის მამა, ზაზა სარალიძე აცხადებს, რომ ის უკან დახევას არ აპირებს და ბოლომდე იბრძოლებს. ის ამბობს, რომ აღარ აპირებს უწყებებთან შეხვედრასა და თანამშრომლობას: ამის შესახებ მან ტვ პირველის ეთერში განაცხადა:

"მე პირადად უკან დახევას არ ვაპირებ, ხალხი დამიდგება გვერდით თუ არ დამიდგება. ან თავს შევაკლავ, ან სიმართლე იზეიმებს. მაგათმა მე კანონით გადამიარეს, კანონით შეურაცხყვეს ჩემი შვილის სული. მე მაგათ ამის უფლებას არ მივცემ".

პარლამენტის წინ აქცია უკვე განახლდა. რუსთაველის გამზირზე ზაზა სარალიძის მხარდამჭერი აქცია #ნუმომკლავ უკვე მესამე დღეა იმართება.