საქართველოს მესამე პრეზიდენტის თქმით, მხოლოდ მთავარი პროკურორის გადადგომა სიტუაციას ვერ შეცვლის. ამის შესახებ მან რუსთავი 2-ს განუცხადა.

რა თქმა უნდა, სწორია შოთაძის გადადგომა, მაგრამ [ირაკლი] შოთაძე ვინ არის? ზუსტად ასე გადააყენეს ფარცხალაძე მისცა ივანიშვილმა ფული და გადასარევად არის მოწყობილი,ზუსტად ასევე მისცემენ შოთაძესაც პენსიაზე ფულს და ივლის გარშემო. რა შოთაძის გადაყენება, ყველა ძველი მოსამართლე არის გასაყრელი, ეს პროკურატურა არის დასაშლელი, იუსტიციის საბჭოს ყველა წევრი უნდა გადადგეს, ოპოზიცია უნდა გაერთიანდეს და საპრეზიდენტო არჩევნების კვალდაკვალ უნდა დავამარცხოთ ივანიშვილი საპარლამენტო არჩევნებში, ეგრევე უნდა მოვითხოვოთ საპარლამენტო არჩევნები", - განუცხადა სააკაშვილმა რუსთავი 2-ს.

დღეს, 31 მაისს ზაზა სარალიძის შვილის მკვლელობის საქმეზე სასამართლოს გადაწყვეტილების გამოცხადების შემდეგ დაიწყო აქციები, მოგვიანებით კი - მთავარი პროკურორი ირაკლი შოთაძე გადადგა.