მთავარი პროკურორი, ირაკლი შოთაძე, ხორავას ქუჩაზე მოკლული დავით სარალიძის მამასთან შეხვედრისთვის მზადყოფნას გამოთქვამს.

"მე მზად ვარ ამ საკითხზეც და ყველა სხვა საკითხზეც პირადად გავცე ბატონ ზაზა სარალიძეს პასუხები", - აცხადებს შოთაძე.

მისივე თქმით, ამ საქმეში მირზა სუბელიანის მიერ სისხლის სამართლის დანაშაულის შესაძლო ჩადენას არცერთი მტკიცებულება არ მოიპოვება.

როგორც გუშინ გახდა ცნობილი, ხორავას ქუჩაზე მოკლული მოზარდის, დავით სარალიძის მამა აქციებს აანონსებს, რადგან მოკლულის ოჯახი ფიქრობს, რომ მკვლელების დასჯისთვის სხვა ეფექტური ნაბიჯი აღარ დარჩა.

ხორავას ქუჩის საქმის შესახებ დეტალურად წაიკითხეთ აქ.