თურქეთში მომხდარი სახელმწიფო გადატრიალების წარუმატებელი მცდელობის შემდეგ, ქვეყანაში 3-თვიანი საგანგებო მდგომარეობა გამოცხადდა იმისთვის, რომ ხელისუფლებამ სწრაფი და ეფექტური ქმედებები განახორციელოს ამბოხებაში მონაწილე პირთა მიმართ. ამის შესახებ ინფორმაციას Reuters ავრცელებს.

საგანგებო მდგომარეობის გამოცხადებასთან დაკავშირებული გადაწყვეტილება თურქეთის მთავრობამ გუშინ მიიღო. როგორც ქვეყნის პრეზიდენტმა, რეჯეპ ტაიპ ერდოღანმა განმარტა, აღნიშნული სრულ შესაბამისობაშია ქვეყნის კანონმდებლობასთან და არ არღვევს მოქალაქეების უფლებებს.

საგანგებო მდგომარეობა ერდოღანსა და პარლამენტს საშუალებას მისცემს, მიიღონ ახალი კანონები, ასევე დააკავონ მომხდარში დამნაშავე პირები.

15 ივლისს თურქეთში ხელისუფლების დამხობის მიზნით ქვეყნის რამდენიმე ლოკაციაზე შეიარაღებული დაჯგუფების თავდასხმას 300-მდე ადამიანის სიცოცხლე ემსხვერპლა, აჯანყებასთან კავშირის ბრალდებით თანამდებობიდან გადააყენეს და დააკავეს ათასობით მოსამართლე, მაღალი თანამდებობაზე მყოფი სამხედროები, პოლიციელები და სამოქალაქო პირები.

თურქეთში მომხდარის შესახებ დეტალური ინფორმაცია შეგიძლიათ იხილოთ აქ:

რა მოხდა თურქეთში - დეტალები სრულად