შინაგან საქმეთა მინისტრი გიორგი გახარია, 17 მაისს ლგბტ აქტივისტების მიერ ექვს სიმბოლურ ლოკაციებ პარტიზანული აქციების გამართვას გამოეხმაურა.

გიორგი გახარიას თქმით, 17 მაისი შინაგან საქმეთა სამინისტრომ ღირსეულად ჩაატარა.

"მიუხედავად იმისა, რომ ჩვენმა პარტნიორებმა, მეორე მხარემ დაარღვია ყველა მოლაპარაკება, რომელიც იქნა მიღწეული და იმის მაგივრად რომ დათქმული ლოკაციები შენარჩუნებული ყოფილიყო მათ მოქმედების სტრატეგიად სხვადასხვა ლოკაციებში აქციების მოწყობა აირჩიეს, რაც გამოწვევა იყო და ზოგ შემთხვევაში პროვოკაცია", - განაცხადა გიორგი გახარიამ საქართველოს პარლამენტში დეპუტატების კითხვებზე პასუხის დროს.

ლგბტ აქტივისტების მიერ დაგეგმილი ანტიჰომოფობიური აქცია "გავიაზროთ 17 მაისი" მთავრობის ადმინისტრაციასთან უნდა გამართულიყო. ორგანიზაციის განცხადებით, ბოლოდროინდელი მოვლენების გათვალისწინებით და მოსალოდნელი საფრთხის გამო აქცია ჩაიშალა.

ლგბტ აქტივისტებმა გადაწყვიტეს პარტიზანული აქცია-პერფომანსები ჩაეტარებინათ და თბილისში, 6 სხვადასხვა ადგილას შეიკრიბნენ, სადაც მიმართვები წაიკითხეს და უწყებებს მოთხოვნები წაუყენეს. თითოეულ ადგილზე აქციის მონაწილეებმა, ლგბტ დროშის ფერების შესაბამისი ფერადი ბოლი გაუშვეს.

გაიგე მეტი: რა მოთხოვნები აქვთ 5 უწყებასთან ლგბტ აქტივისტებს - პარტიზანული აქცია-პერფომანსი თბილისში