ჯანდაცვის მინისტრმა დავით სერგეენკომ ნარკოდამოკიდებულთა სარეაბილიტაციო ცენტრების ინფრასტრუქტურის შექმნაზე განაცხადა, რომ ამ მხრივ მნიშვნელოვნად არის გასაზრდელი სახელმწიფოს რესურსები. ამის შესახებ მინისტრმა ტელეკომპანია იმედის ეთერში ჯანსაღი ცხოვრების წესის ხელშეწყობის სამოქმედო გეგმაზე საუბრისას განაცხადა:

"ჩვენ გავაკეთეთ წინასწარი გათვლები და ხაზი მინდა გავუსვა, რომ მკურნალობა და რეაბილიტაცია სხვადასხვა ნივთიერების მომხმარებელზე, სხვადასხვანაირი შედეგიანობით გამოირჩევა ხოლმე. რამდენიმე ათეული მილიონის დამატებით დახარჯვა იქნება საჭირო, ჩვენი წინასწარი გათვლებით ეს 45 მილიონია, იმისათვის რომ ქვეყანას ჰქონდეს შესაბამისი ინფრასტრუქტურა".

სერგეენკო თქმით, ბოლო პერიოდში, ნარკოტიკებს ზედოზირების გამო ორჯერ მეტად მიმართავენ სასწრაფო სამედიცინო დახმარების. მთავრობამ ჯანსაღი ცხოვრების წესის ხელშეწყობისთვის სამოქმედო გეგმის შემუშავება დაიწყო.