იუსტიციის მინისტრი თეა წულუკიანი 13-14 მაისის აქციებს გამოეხმაურა. მას მიაჩნია, რომ ორდღიანი აქციები არა ნარკოპოლიტიკის შესახებ, არამედ "სხვა რაღაცის" შესახებ იყო.

"ჩემთვის, როგორც ამ ქვეყნის მოქალაქისთვის, ეს აქციები ეხებოდა ჩვენს საზოგადოებაში არსებულ რადიკალიზმს. ვფიქრობ, რომ რადიკალიზმი, იქნება ეს ლიბერალიზმის მიმართულებით თუ კონსერვატიზმის მიმართულებით, პატარა ოკუპირებულ ქვეყანაში არის დამანგრეველი", - განაცხადა წულუკიანმა.

12 მაისის ბასიანსა და კაფე გალერიში სპეცოპერაციისას კლუბების სტუმრები გარეთ გაიყვანეს. კლუბ ბასიანთან დაპირისპირება იყო სამართალდამცავებსა და მოქალაქეებს შორის. დაპირისპირება გაგრძელდა პარლამენტთან, იმავე ღამეს ჩატარებულ საპროტესტო აქციაზე. აქცია "ჩვენი თავისუფლებისთვის" გაგრძელდა მომდევნო დღეებშიც.

14 მაისს ნეო-ნაცისტური დაჯგუფებები, მათ შორის, ქართული მარში პარლამენტის შენობასთან იკრიბებოდნენ და აქციის დაშლას გეგმავდნენ. კონტრაქციის წევრებს შორის იყვნენ ფაშისტური დაჯგუფებების წევრებიც.

კონტრაქციის მონაწილეების აგრესიულობის გამო, რუსთაველის გამზირზე მობილიზებული იყო სპეცნაზმი და წყლის ჭავლის მანქანები.

გაიგეთ მეტი: