თეთრი ხმაურის მოძრაობის განცხადებით, 12 მაისის მოვლენებამდე მათ აწვდიდნენ ინფორმაციას, რომ ღამის კლუბებზე "მიზანმიმართული პროვოკაცია" მზადდებოდა:

"წყაროები, რომელთა სახელებს ამ ეტაპზე არ ვასახელებთ, გვატყობინებდნენ, რომ შსს-ს თანამშრომლებს დაკავებული ყავდათ პირები რომელთა გამოყენებასაც აპირებდნენ კლუბების წინააღმდეგ საქმეების შესაკერად".

მათივე თქმით, კლუბები თავიანთ უდანაშაულობაში დარწმუნებული იყვნენ და აღნიშული ინფორმაციისთვის განსაკუთრებული მნიშვნელობა აღარ მიუციათ.

თეთრი ხმაურის მოძრაობა დარწმუნებულია, რომ სამართალდამცველები მოქმედებდნენ წინასწარ გაწერილი სცენარით.

"ვაცხადებთ სრული პასუხისმგებლობით, ნებისმიერი მტკიცებულება, რაც არ უნდა წარადგინონ ძალოვანმა ორგანოებმა არის ფალსიფიკაცია და დადგმულია მათსავე მიერ".

მათივე თქმით, კლუბ ბასიანზე განხორციელებული სპეცოპერაციის დროს საგამოძიებო მოქმედებებს არ დაასწრეს არცერთი კლუბის თანამშრომელი და არსებობენ მოწმეები, რომლებიც აცხადებენ, რომ პოლიცია საკუთარი ხელით ყრიდა კლუბის ტერიტორიაზე გაურკვეველ ნივთიერებებს.

გაიგეთ მეტი: