საჰაერო მართვის სისტემის გაუმართაობის გამო ევროპაში ფრენების ნაწილი გადაიდო. ამის შესახებ ინფორმაციას ევროპის საჰაერო ნავიგაციის ორგანიზაცია Eurocontrol ავრცელებს.

ორგანიზაციის განცხადებით, დაახლოებით 15 000 რეისი შეფერხდება. პრობლემის მოგვარებას კი საღამოს ელოდებიან.

ორგანიზაციაში ამბობენ, მიმდინარე რეისის მგზავრებს საფრთხე არ ემუქრებათ. მათივე თქმით, მსგავსი პრობლემა აქამდე არ ჰქონიათ.

On.ge ცდილობს გაარკვიოს გადაიდო თუ არა ფრენები საქართველოდან. ინფორმაციას მიღებისთანავე შემოგთავაზებთ.