საქართველოს პრემიერ-მინისტრის გიორგი კვირიკაშვილის განცხადებით, კახეთს ცალკე აეროპორტი სჭირდება.

ამის შესახებ პრემიერმა სასტუმრო "ახაშენი ღვინის კურორტის" გახსნაზე განაცხადა.

გიორგი კვირიკაშვილის თქმით, კერძო სექტორთან პარტნიორობით კახეთში პირდაპირი ჩარტერული რეისების განხორციელება იქნება შესაძლებელი.

"ვფიქრობ, მივედით იმ ეტაპამდე, როდესაც კახეთს სჭირდება ცალკე აეროპორტი. ამაზე მიდის ფიქრი და ისევ და ისევ კერძო სექტორთან პარტნიორობით ჩვენ შევძლებთ, რომ კახეთში განხორციელდეს პირდაპირი ჩარტერული რეისები, პირველ ეტაპზე, შემდგომში შესაძლოა, რეგულარული რეისებიც დაინიშნოს", - განაცხადა გიორგი კვირიკაშვილმა.