რუსთავი 2-ის ინფორმაციით, პოლონეთის პრეზიდენტმა, ანდრჟეი დუდამ განაცხადა, რომ პოლონეთი მხარს უჭერს აღმოსავლეთ ევროპაში NATO-ს უფრო მეტ ჩართულობას, მათ შორის საქართველოსთან ურთიერთობის გაღრმავების კუთხითაც:

"ნატოს ვარშავის სამიტი, ეს არის შესანიშნავი შესაძლებლობა ახალი იმპულსი მივცეთ მოკავშირეობის ღია კარის პოლიტიკასა და ჩვენს პარტნიორებთან თანამშრომლობას. ჩვენ მხარს ვუჭერთ ჩრდილოატლანტიკური ალიანსის უფრო მეტ ჩართულობას აღმოსავლეთ ევროპაში, რაც საქართველოსთან, უკრაინასთან და მოლდოვასთან ურთიერთობის გაღრმავებას ნიშნავს".

ნატოს სამიტი, რომელსაც საქართველოს პრეზიდენტთან ერთად რამდენიმე მინისტრი და უშიშროების საბჭოს მდივანი იმყოფება, პოლონეთის დედაქალაქში დღეს დაიწყო და 9 ივლისს დასრულდება. მსოფლიოს სხვადასხვა ქვეყნის ლიდერთან ერთად ვარშავაში იმყოფება აშშ-ს პრეზიდენტი ბარაკ ობამა. მნიშვნელოვან შეხვედრების გამართვას გეგმავს ვარშავაში მყოფი თავდაცვის მინისტრი, თინა ხიდაშელი.