შინაგან საქმეთა სამინისტროს განცხადებით, ბოლო ერთი კვირის განმავლობაში, კახეთსა და შიდა ქართლში, ოჯახში ძალადობის ბრალდებით 4 პირია დაკავებული. ამის შესახებ, შსს-ს ორგანიზებული დანაშაულის წინააღმდეგ ბრძოლის სამმართველოს უფროსმა, მამუკა ჭელიძემ დღეს, 2 მარტის ბრიფინგზე ისაუბრა.

მსგავსი სტატისტიკა შსს-მ თებერვალშიც გაასაჯაროვა. უწყების ცნობით, თებერვლის დასაწყისში, 2 კვირის განმავლობაში, საქართველოს სხვადასხვა რეგიონში, ოჯახში ძალადობის ბრალდებით, 18 პირი დააკავეს.

2017 წელს, 2016 წლის მაჩვენებელთან შედარებით, ზოგადად, რეგისტრირებული დანაშაული 5,4 პროცენტით გაიზარდა და სულ 37 944 ფაქტი დაფიქსირდა. აღნიშნული სტატისტიკა შინაგან საქმეთა სამინისტრომ ორი წლის განმავლობაში პირველად 30 იანვარს გამოაქვეყნა.