ეუთოს საპარლამენტო ასამბლეის პრეზიდენტის ასარჩევად მეორე ტური გაიმართება. მთავარ ბრძოლას მომდევნო ტურში გიგი წერეთელი და ავსტრიელი კანდიდატი კრისტინე მუტონენი გააგრძელებენ, რადგან მათთვის მიცემული ხმები შესაბამისად ორად გაიყო. აღსანიშნავია, რომ პირველ ტურში პარლამენტის თავჯდომარემ, დავით უსუფაშვილმა სწორედ მუტონენს მისცა ხმა.

როგორც თავად ენმ-ს წევრმა, გიგი წერეთელმა განაცხადა, ეუთოს საპარლამენტო პრეზიდენტი იმისთვის, რომ არ წარმოიქმნას ინტერესთა კონფლიქტი, ყოველთვის ლიმიტირებული იქნება თავის საქმიანობაში:

"ჩემი მიდგომები, გარკვეულად იცვლება ყოველთვის, როდესაც ხდები პრეზიდენტი. ამას მოითხოვს წესებიც, ამას მოითხოვს ტრადიციებიც. მაგრამ ის, რომ საქართველოს პრობლემატიკა, თუნდაც იმის გამო, რომ თავჯდომარე საქართველოს მოქალაქე იქნება, ყოველთვის იქნება წინა პლანზე, რადგან როდესაც ადამიანები მხედავენ მე ამ დარბაზში ახსენდებათ, რომ ჩვენ გვაქვს ოკუპირებული ტერიტორიები, გვყავს დევნილები, ანექსია მიმდინარეობს, რომ ძალიან რთული მდგომარეობა გვაქვს. ამავე დროს ახსენდებათ, რომ ჩვენ გვინდა ევროპასთან ვიყოთ ახლოს".

ქართული ოცნების ნაწილი აცხადებს, რომ ეუთოს საპარლამენტო ასამბლეის პრეზიდენტად გიგი წერეთლის დანიშვნა ამ უკანასკნელს საშუალებას მისცემს პარტიული კუთვნილების მიხედვით გამოიყენოს თავისი უფლებამოსილება.