საქართველოს ახალგაზრდა იურისტთა ასოციაციის განცხადებით, დაგროვებითი საპენსიო სქემა არაკონსტიტუციურია. მათი თქმით, მსგავსი სქემით შემოდის ახალი სახის გადასახადი, რაც მხოლოდ რეფერენდუმის გზითაა შესაძლებელი.

ორგანიზაცია განმარტავს, რომ საპენსიო შენატანი სავალდებულო გადასახადია. მისი ნაწილი საპენსიო სააგენტოს ხმარდება. გარდა ამისა, ამ რეფორმით, იზრდება ხარჯება, მცირდება შემოსავალი და სამომავლოდ პენსიის მიღება სააგენტოს გამართულ ფუნქციონირებაზეა დამოკიდებული.

"საკონსტიტუციო სასამართლოს პრაქტიკის გათვალისწინებით, ის გაიგივებული უნდა იქნეს გადასახადისა და მოსაკრებლის სამართლებრივ ბუნებასთან და უნდა მოექცეს საქართველოს კონსტიტუციის 94-ე მუხლის [გადასახადების შემოღებაზე რეფერენდუმის ჩატარება] რეგულირების სფეროში", - ნათქვამია განცხადებაში.

საიას განმარტებით, ამ დრომდე საპენსიო შენატანი სავალდებულო არ ყოფილა, შესაბამისად ჩნდება ახალი სახის გადასახადი. ორგანიზაციაში ამბობენ, მსგავსი რეფორმის შემოღებისთვის რეფერენდუმი უნდა ჩატარდეს.

გაიგეთ მეტი: ვის შეეხება და რას გულისხმობს კერძო დაგროვებითი საპენსიო სისტემა