ნაციონალური მოძრაობა ქართული ოცნების ნაწილის ბრალდებებს იმასთან დაკავშირებით, რომ შესაძლოა ევროპის სახალხო პარტია რუსეთს გიგი წერეთლის მხარდაჭერის სანაცვლოდ, ევროსაბჭოში ხმის უფლების აღდგენას დაპირდა, აბსურდულს უწოდებს.

ენმ-ს წევრის, გიორგი კანდელაკის განცხადებით, საზოგადოებამ კარგად იცის, ვინ არის გარიგებული ოკუპანტ ქვეყანასთან და ვინ აფინანსებს ოკუპანტი სახელმწიფოს მიმართ სიმპათიით განწყობილ მედიას:

"[ხალხმა იცის] ვინ აპატიმრებს საქართველოს კონტრდაზვერვის ოფიცრებს. რუსეთის დელეგაცია და საქართველოს დელეგაცია, უმრავლესობა აქტიურად მუშაობდნენ ქართველი კანდიდატის გიგი წერეთლის წინააღმდეგ. ეს იყო შიდა პოლიტიკურად მათთვის ძალიან დამაზიანებელი და ამიტომ ქართულმა ოცნებამ სთხოვა რუსეთის დელეგაციის წევრებს, რომ ეს ზიანი გაენეიტრალებინათ და ასეთი ძალიან უცნაური განცხადება გაეკეთებინათ".

ქართული ოცნება აცხადებს, რომ შესაძლოა ევროპის სახალხო პარტია რუსეთს გაურიგდა იმისთვის, რომ ეუთოს პრეზიდენტად გიგი წერეთლის არჩევის სანაცვლოდ ევროპის საბჭოში რუსეთისთვის ხმის მიცემის უფლება აღადგინონ.