მარკ ცუკერბერგმა ფეისბუკის მომხმარებელს კიდევ ერთი სიახლე გააცნო. სანდო საინფორმაციო წყაროებს მომხმარებლები გამოკითვით გამოავლენენ.

ფეისბუკი წყაროს სანდოობის გამოსავლენად გამოკითხვისას მიღებული ხმების რაოდენობას გამოიყენებს, რომლის მიხედვითაც, მაღალი სანდოობის მქონე წყაროები სიახლეების სათავეში მოხვდებიან.

მანამდე ფეისბუკი არაერთხელ გაუკრიტიკებიათ იმის გამო, რომ ყალბი ინფორმაციის გავრეცელებას უწყობს ხელს და მის მექანიზმად იქცა.

"თანამედროვე ცხოვრებაში ძალიან ბევრი სენსაცია, დეზინფორმაცია და პოლარიცაზიაა", - ნათქვამია ცუკერბერგის განცხადებაში.

მისივე თქმით, ამჟამად ახალი ამბები მომხმარებლის სიახლეების 5 პროცენტს წარმოადგენს, სამომავლოდ კი ის 4 პროცენტამდე დაიწევს და მომხმარაბელი უფრო ხშირად ახლობლებისა და მეგობრების პოსტებს ნახავს. ცუკერბერგის თქმით, გამოკითხვა კი მომავალი კვირიდან დაიწყება.

ფეისბუკის დამაარსებელმა რამდენიმე დღის წინ დააანონსა, რომ სოციალურ ქსელში მნიშვნელოვნად შემცირდებოდა სარეკლამო კონტენტისა და პუბლიკაციების რაოდენობა.