საჯარო სამსახურის ბიუროს მონაცემებით, 2017 წელს შემოწმებული დეკლარაციიდან მხოლოდ 20 პროცენტია სწორად შევსებული, 78 პროცენტი - არასწორად, 2 პროცენტზე წარმოება შეწყდა.

2017 წლის განმავლობაში საჯარო სამსახურის ბიურომ ჯამში 287 დეკლარაცია შეისწავლა, საიდანაც 224 დეკლარაცია შეფასდა უარყოფითად, 56 კი - დადებითად.

2017 წლის პირველი იანვრიდან, საჯარო სამსახურის ბიუროს არ ჰქონდა უფლება და ვალდებულება, შეემოწმებინა თანამდებობის პირის მიერ შევსებული დეკლარაციების სისწორე და მოეხდინა რეაგირება. გასულ წელს საჯარო სამსახურის ბიუროს დაემატა მონიტორინგის ფუნქცია.

საქართველოს კანონმდებლობლობით, დეკლარაციის არასწორად შევსების შემთხვევაში, თანამდებობის პირი ათასი ლარით ჯარიმდება. იმ შემთხვევაში კი, თუ დეკლარაციაში არასრული ან არასწორი მონაცემის განზრახ შეტანის შემთხვევაში დანაშაულის ნიშნების არსებობს, ბიურო ვალდებულია, შესაბამისი დეკლარაცია და წარმოების მასალები შემდგომი რეაგირებისათვის სათანადო სამართალდამცავ ორგანოს გადაუგზავნოს და თანამდებობის პირი ათასი ლარით დააჯარიმოს.

ამავე თემაზე: