რუსული სატელევიზიო შოუ Comedy Club-ის წევრები თბილისში, სპორტის სასახლეში 20 აგვისტოს კონცერტს მართავენ.

ღონისძიება თავად Comedy Club Production და სომხური ივენთ კომპანია Jet Set-ის ორგანიზებით იმართება. Comedy Club აგვისტოში ტურნეს აწყობს სოჭში, თბილისსა და ერევანში.

ღონისძიების ორგანიზატორები აცხადებენ, რომ ეს იქნება "წლის ყველაზე ნათელი მოვლენა". სპორტის სასახლეში სცენის წინ დადგმულ მაგიდებთან VIP ბილეთის ფასი ერთ ადამიანზე იქნება 300 ლარი, ცოტა მოშორებით კი 250 და 200 ლარი. რაც შეეხება იარუსებს, ბილეთის ფასი 40 ლარიდან 100 ლარამდე მერყეობს.

Comedy Club 2005 წელს მოსკოვში დაარსებული სატელევიზიო იუმორისტული შოუა, რომელიც რუსულ ტელეარხ TNT-ზე გადის.