ქუთაისში, ნიკიას ქუჩაზე, გვიან ღამით გაზის გაჟონვის გამო ერთი ბინა აფეთქდა. აფეთქების შედეგად ერთი ადამიანი დაშავდა და საავადმყოფოშია გადაყვანილი. ამის შესახებ On.ge-ს შინაგან საქმეთა სამინისტროში განუცხადეს.

უწყება საქმეს სისხლის სამართლის კოდექსის 187-ე მუხლის მეორე ნაწილით იძიებს. ამ მუხლით, სხვისი ნივთის დაზიანება ან განადგურება აფეთქებით, რამაც მნიშვნელოვანი ზიანი გამოიწვია ისჯება თავისუფლების აღკვეთით ვადით სამიდან ხუთ წლამდე.