საქართველოს მართლმადიდებელი ეკლესიის პატრიარქი, ილია მეორე მიიჩნევს, რომ ნარკოპოლიტიკამ "ამ უმძიმეს სენთან მიმართებით" უარყოფით განწყობა უნდა შექმნას და ახალგაზრდები დაიცვას. ნარკოპოლიტიკასთან დაკავშირებით პატრიარქმა საშობაო ეპისტოლეში ისაუბრა.

პატრიარქს მიაჩნია, რომ უნდა აშენდეს სარეაბილიტაციო ცენტრები და სასკოლო ასაკიდანვე ამაღლდეს მოსწავლეთა ცნობიერება.

"მაშინ, როდესაც ქვეყანა დემოგრაფიული კატასრტროფის წინაშე დგას, ყველას განსაკუთრებული სიფრთხილე და წინდახედულება გვმართებს, რათა აღნიშნული პრობლემისადმი სწორი კომპლექსური მიდგომა განხორციელდეს და რეალური, შედეგის მომტანი ნაბიჯები გადაიდგას", - წერია საშობაო ეპისტოლეში.