ჯანდაცვის მინისტრის მოადგილის, ზაზა სოფრომაძის თქმით, ხორავას ქუჩაზე დაჭრილი მოზარდის მეორე ოპერაცია დასრულდა, თუმცა მისი მდგომარეობა კვლავ მძიმეა. მოზარდი რეანიმაციულ განყოფილებაშია გადაყვანილი.

რესპუბლიკური საავადმყოფოს დირექტორმა, ავთანდილ იმედაძემ განაცხადა, რომ სკოლის მოსწავლეს "საშინელი და სადისტური" ჭრილობები აქვს მიყენებული.

დღეს, 1-ლ დეკემბერს, ხორავას ქუჩაზე დაპირისპირების შედეგად სკოლის ერთი მოსწავლე დაიჭრა, ხოლო მეორე საავადმყოფოში მიყვანამდე გარდაიცვალა.

მომხდარ ფაქტთან დაკავშირებით გამოძიება თბილისის პოლიციის დეპარტამენტმა საქართველოს სსკ-ს 108-ე მუხლით (განზრახ მკვლელობა) დაიწყო.