პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა ჟურნალისტებთან განაცხადა, რომ პარლამენტის ნდობის ჯგუფის წინაშე სახელმწიფო უსაფრთხოების სამსახურის ხელმძღვანელი, ვახტანგ გომელაური წარსდგება.

სესიაშვილის თქმით, სუს მზადაა ნდობის ჯგუფს ჩატარებული ოპერაციის შესახებ პირველადი ინფორმაცია გააცნოს, თუმცა როდის წარსდგება გომელაური ნდობის ჯგუფის წინაშე უცნობია:

"რაც შეეხება თარიღს, როდის და რა ფორმით, ამაზე უკვე მოგვიანებით შეგატყობინებთ, მას შემდეგ, რაც თავად სახელმწიფო უსაფრთხოების სამსახურს ექნება დადასტურებული ინფორმაცია".

საპარლამენტო უმცირესობის მდივნის, ირაკლი აბესაძის თქმით, სპეცოპერაციის შესახებ არსებული ინფორმაცია საჯარო უნდა იყოს:

"ამ შეკითხვებზე, თუ როგორ აღმოჩნდნენ ტერორისტები საქართველოს ტერიტორიაზე, როგორ გადმოკვეთეს საქართველოს საზღვარი, როგორ მოხდა იარაღის ამ ოდენობით კონცენტრაცია თბილისის ცენტრში, როგორ განხორციელდა სპეცოპერაცია და რა ვითარება არის დღეს გამოძიების თვალსაზრისით, ჩვენ მიგვაჩნია, რომ პასუხები უნდა ყოფილიყო საჯარო".

ევროპული საქართველოს ერთ-ერთი წევრისერგი კაპანაძე აცხადებს, რომ სუს-ის ხელმძღვანელთან ერთად იუსტიციის მინისტრმა თეა წულუკიანმაც ყველა კითხვას უნდა გასცენ პასუხი.