საქალაქო სასამართლოს გადაწყვეტილებით, თბილისის ყოფილი მერი გიგი უგულავა და შინაგან საქმეთა ყოფილი მინისტრი გიგი უგულავა ერთ საკანში არ მოთავსდებიან.

ამ მოთხოვნით დაცვის მხარემ ინსტანციას 4 თვის წინ მიმართა. მათი განცხადებით, სასამართლოს ასეთი გადაწყვეტილებით პატიმრების უფლება ირღვევა.

გიგი უგულავას ადვოკატის ბექა ბასიალიას თქმით, ეს გადაწყვეტილება იმას ემყარება თითქოსდა, პატიმრობის შესახებ კოდექსი არ ითვალისწინებს ერთ საქმეზე ბრალდებული პირების ერთ საკანში მოთავსებას, მაშინ როდესაც აღნიშნული კოდექსი ეხება მხოლოდ აღკვეთ ღონისძიებად პატიმრობა შეფარდებულ პირებს:

"ვანო მერაბიშვილზე და გიგი უგულავას არცერთ საქმეზე აღკვეთ ღონისძებად პატიმრობა არ არის გამოყენებული და სასჯელაღსრულების დაწესებულებაში ამ ეტაპზე უკანონო გამამტყუნებელი განაჩენის საფუძველზე იმყოფებიან".

მანამდე დაცვის მხარემ ციხის ადმინისტრაციას მიმართა ამ მოთხოვნით, თუმცა უარი მიიღო. მათი განმარტებით, ისინი ვერ მოთავსდებოდნენ ერთ საკანში უგულავასა და მერაბიშვილს, რადგან ისინი ერთ საქმეზე იყვნენ ბრალდებულები, საუბარია 7 ნოემბრის საქმეზე.