რეფერენდუმის ხელახლა ჩატარების მოთხოვნით, 3 მილიონზე მეტმა ბრიტანეთის მცხოვრებმა მოაწერა ხელი პეტიციას, რომელიც 23 ივნისს, შედეგების გამოქვეყნების შემდეგ შეიქმნა. პეტიციის განსახილველად 100 ათასი ხელმოწერის შეგროვებაა საჭირო.

სამოქალაქო აქტივიზმში ჩართული პირები აცხადებენ, რომ განმეორებითი რეფერენდუმი აუცილებელია თუკი რომელიმე მხარის ხმათა რაოდენობა 60%-ზე ნაკლებია.

23 ივნისს დიდ ბრიტანეთში ჩატარებული რეფერენდუმის მიხედვით, ამომრჩეველთა 52-მა პროცენტმა მხარი დაუჭირა დიდი ბრიტანეთის ევროკავშირიდან გასვლას, 48 პროცენტმა კი - დარჩენას. რეფერენდუმის შედეგების გამოცხადებას მყისიერად მოჰყვა ბრიტანული ვალუტის გაფუასურება და მან დოლართან მიმართებით 30-წლიან მინიმუმს მიაღწია.

25 ივნისს, დღის ბოლოს, პეტიციას განმეორებითი რეფერენდუმის შესახებ 2,167,736 ხელმომწერი ჰყავდა.