2017 წლის იანვარ-ოქტომბერში საქართველოში საქონლით საგარეო სავაჭრო ბრუნვამ 8 566,1 მლნ. აშშ დოლარი შეადგინა. ეს შედეგი წინა წლის იმავე პერიოდთან შედარებით 12,7 პროცენტით მეტია. სავაჭრო ბრუნვის შესახებ ინფორმაციას საქსტატი ავრცელებს.

პირველ 10 თვეში ექსპორტი 2 203,1 მლნ. აშშ დოლარი (29,4 პროცენტით გაიზარდა), იმპორტი კი - 6 363 მლნ. აშშ დოლარი იყო (7,8 პროცენტით გაიზარდა).

ამავე პერიოდში ექსპორტი რეექსპორტის გარეშე 1 700,6 მლნ. აშშ დოლარი იყო, რაც 27,6 პროცენტით აღემატება წინა წლის შესაბამისი პერიოდის მაჩვენებელს.