გირჩის ლიდერი, ზურაბ ჯაფარიძე მიიჩნევს, რომ საპენსიო რეფორმა მოქალაქეების წინააღმდეგ ბანკებისა და მთავრობის შეთქმულებაა. მისი თქმით, საპენსიო რეფორმის მიზანი მოქალქეების ფულით ხელისუფლებისა და მსხვილი ფინანსური ინსტიტუტების უზრუნველყოფაა.

"თქვენი ჯიბეებიდან უნდათ ცოტ-ცოტა ფულის ამოღება, ერთ ყულაბაში შეგროვება და შემდეგ დიდი ფულის კეთება წლების განმავლობაში. თქვენს შვილებს კი, მრავალი წელი მოუწევთ ვალების გასტუმრება გადახდილი გადასახადებით", - ამბობს ჯაფარიძე და დასძენს, რომ პენსიის მიღების ან ფულის დაბრუნების გარანტიები არ არსებობს.

ფინანსური ინტერსების თვალსაჩინოებისთვის ჯაფარიძემ საპენსიო რეფორმასთან დაკავშირებით მონაცემებზეც ისაუბრა:

  • 2019 წლისთვის საშემოსავლო გადასახადის მოცულობა იქნება დაახლოებით სამი მილიარდი ლარი;
  • დასაქმებულთა შემოსავლის ექვსი პროცენტი სახელმწიფო ფონდში გადაირიცხება, 2019 წელს სპეციალურ ფონდში თავს მოიყრის დაახლოებით 900 მილიონი ლარი;
  • კანონის თანახმად, კანონის ამოქმედებიდან ხუთი წლის განმავლობაში, საპენსიო ფულის დაბანდება შესაძლებელია მხოლოდ ნაკლებრისკიან საინვესტიციო პორთფელში.

ჯაფარიძის მოსაზრებები, სად შეიძლება ჩაიდოს 2019 წელს საპენსიო რეფორმით მობილიზებული თანხა:

  • უცხოეთში განთავსების მაქსიმალური ზღვარი ნაკლებად რისკიანი პორტფელისთვის განსაზღვრულია 20 პროცენტზე, ანუ 2019 წელს მხოლოდ 180 მილიონ ლარზე;
  • თანხის დაახლოებით 20 პროცენტი, ანუ 144 მილიონი, შეიძლება, ჩაიდოს ქართული კომპანიების ფასიან ქაღალდებში (მსხვილი ბიზნესის ინტერესი);
  • 720 მილიონ ლარამდე შეიძლება, ისესხოს მთავრობამ შიდა ვალის სახით (მთავრობის ინტერესი);
  • 675 ათას ლარამდე (75%) შეიძლება, განთავსდეს კომერციული ბანკების დეპოზიტებზე (ბანკების ინტერესი).

"დაგროვებითი პენსიის" შესახებ მთავრობის ეკონომიკრუმა გუნდმა რამდენიმე დღის წინ, 31 ოქტომბერს ისაუბრა. რეფორმა დასაქმებულებისა და თვითდასაქმებულების შემოსავალს შეეხება, რომელთა ნაწილი ვალდებული იქნება, გარკვეული თანხა საპენსიო ფონდში გადარიცხოს.