"აგურ-აგურ ვანგრევთ რუსეთის საომარი ეკონომიკის საფუძვლებს" — ამის შესახებ ევროკავშირის უმაღლესი წარმომადგენელი, კაია კალასი პლატფორმა X-ზე წერს.

მისი თქმით, ევროკავშირი რუსეთის წინააღმდეგ სანქციების 21-ე პაკეტის წინადადებებს წარადგენს. როგორც კალასმა განაცხადა ახალი შეზღუდვები მიზნად ისახავს რუსეთის სამხედრო ეკონომიკის შემოსავლების შემცირებას და სანქციებისთვის გვერდის ავლის სქემების შეზღუდვას.

"აგურ-აგურ ვანგრევთ რუსეთის საომარი ეკონომიკის საფუძვლებს.

დღეს ჩვენ წარმოგიდგენთ ჩვენს წინადადებებს რუსეთის წინააღმდეგ 21-ე სანქციების პაკეტის შესახებ.

ეს მოიცავს რუსეთის ნავთობზე დაწესებული ფასის ზედა ზღვრის დროებით გაყინვას და იმ ინსტიტუტების სანქცირებას, რომლებსაც მოსკოვი შემოსავლების მისაღებად და ევროკავშირის სანქციებისთვის გვერდის ასავლელად იყენებს.

სანქციები შეეხება ბანკებს, შეიარაღების მწარმოებლებს, ნავთობით მოვაჭრეებს, ნავთობგადამამუშავებელ ქარხნებსა და მესამე ქვეყნებში მოქმედ კრიპტოოპერატორებს", — წერია განცხადებაში.