რუს ჟურნალისტს, ტატიანა ფელგენჰაუერს მოსკოვში, თავის ოფისში, თავს დაესხნენ და კისერში დაჭრეს. ჟურნალისტი საავადმყოფოშია.

ტატიანა ფელგენჰაუერი რადიოსადგურ "ეხო მოსკვის" რედაქტორის თანაშემწეა და დილის გადაცემის თანაწამყვანაია. რადიოსადგური რუსული რამდენიმე დამოუკიდებელი მედიასაშუალებათაგან ერთ-ერთია, რომელიც ხშირად აშუქებს კრემლის მიმართ კრიტიკულ მასალებს.

The Guardian-ის ცნობით, ვიტალი რუვინსკიმ, ეხოს ვებგვერდის რედაქტორმა ინსტაგრამზე ფოტო ატვირთა, რომელზეც თავდამსხმელის დაკავება და იატაკზე სისხლის წვეთებია ასახული.

"ტანია საავადმყოფოშია, მისი მდგომარეობა მძიმეა, მაგრამ არა - კრიტიკული, თავდამსხმელი დაკავებულია," - წერს რუვინსკი.

ტატიანა ფელგენჰაუერზე თავდასხმის შემდეგ, რუსი პოლიციელები ეხო მოსკვის ოფისში კაცს აპატიმრებენ.

ფოტო: Vitaly Ruvinsky/AP

რადიოსადგურის თანამშრომლების ინფორმაციით, შენობაში მოსახვედრად თავდამსხმელმა დაცვის წინააღმდეგ წიწაკის სპრეი გამოიყენა.

რუსული ახალი ამბების სააგენტოების მიერ გავრცელებულ ვიდეოში, კაცი დაკითხვაზე ყვება, რომ ბოლო ხუთი წლის განმავლობაში ფელგენჰაურმა მასთან ტელეპათეტიკური კონტაქტი დაამყარა და სწორედ ამიტომ დაჭრა ის.

ეხოს ჟურნალისტები ადრეც ყოფილან თავდასხმის ობიექტები, ლიბერალი ჟურნალისტებს კი, რუსეთში ხშირად მოიხსენიებენ მოღალატეებად. იულია ლატინინამ, ჟურნალისტმა, რომელსაც ეხო მოსკვიზე ყოველკვირეული გადაცემა მიჰყავდა, მანქანის დაწვის მცდელობის გამო, მიმდინარე წელს, რუსეთი დატოვა. გასულ წელს, მას ცენტრალურ მოსკოვში ფეკალიები შეასხეს.

ეხოს კიდევ ერთ ჟურნალისტს, ევგენია ალბატსუკვირს, რომ ასეთი თავდასხმა აქამდე არ მომხდარა:

"აგრესიის დოზა ლიბერალი ჟურნალისტებისადმი ამ ქვეყანაში ძალიან დიდია. არავინ დაგვიცავს, ჩვენ ყველას მტრები ვართ", - ამბობს ის.