შინაგან საქმეთა სამინისტროს განცხადებით, მარნეულის რაიონის სოფელ ყიზილაჯლოში, სროლის შედეგად დაჭრილი პირების სიცოცხლეს საფრთხე არ ემუქრება.

19 ოქტომბერს, გვიან ღამით, მარნეულის რაიონის სოფელ ყიზილაჯლოში, ქართული ოცნების საარჩევნო შტაბის მიმდებარე ტერიტორიაზე, დაუდგენელმა პირმა ცეცხლსასროლი იარაღიდან გასროლით ოთხი პირი დაჭრა. მათ შორის, ქართული ოცნების მაჟორიტარობის კანდიდატი ჯეიხუნ ჩოვდაროვი და საკრებულოს მოქმედი დეპუტატი.

შინაგან საქმეთა მინისტრი გიორგი მღებრიშვილი შემთხვევის ადგილზე ჩავიდა და მიმდინარე გამოძიების დეტალებს გაეცნო.

მომხდარ ფაქტთან დაკავშირებით შსს-ში გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.