ევროკავშირის საგარეო საქმეთა მინისტრები დღეს საქართველოზე იმსჯელებენ. ამის შესახებ ინფორმაციას ევროკავშირის საბჭოს საგარეო საქმეთა დეპარტამენტში დაგეგმილი შეხვედრის დღის წესრიგშია ნათქვამი.

ევროკავშირის საგარეო საქმეთა საბჭოს წევრები დღეს, ბრიუსელში, 16 მარტს სხვა თემებთან ერთად, საქართველოზე იმსჯელებენ.

"პოლიტიკური მოვლენები საქართველოში — ინფორმაცია გერმანიიდან და საფრანგეთიდან", — წერია დაგეგმილი შეხვედრის დღის წესრიგში.

ამას გარდა, განსახილველ საკითხებს შორისაა: რუსეთის აგრესიული ომი უკრაინის წინააღმდეგ, ახლო აღმოსავლეთში არსებული ვითარება, ევროკავშირის სამხრეთ სამეზობლო, რუსეთის ბრალდებები რასობრივი დისკრიმინაციის ყველა ფორმის აღმოფხვრის შესახებ საერთაშორისო კონვენციის (CERD) შეუსრულებლობის შესახებ (ინფორმაცია ლიტვიდან, ესტონეთიდან და ლატვიიდან), — წერია ევროკავშირის საბჭოს ვებგვერდზე.