თბილისში, ქინძმარაულის ქუჩაზე, გაზგასამართი სადგური აფეთქდა, არიან დაშავებულები. საგანგებო სიტუაციების მართვის სააგენტოს პრესსამსახურის ინფორმაციით, დაშავებული სამი ადამიანი საავადმყოფოშია გადაყვანილი.

"შენობის სახურავი და დანადგარი დაზიანდა. ცეცხლი დიდ ფართობზე არ გავრცელებულა", - აცხადებენ საგანგებო სიტუაციების მართვის სააგენტოში.

მათივე ინფორმაციით, ხუთმა ჯგუფმა ხანძრის ლიკვიდირება შეძლო.