დიდი პატივია ჩვენთვის, რომ თბილისის მერი კალაძე გვსტუმრობს სამინისტროში. ძალიან იშვიათია ამ შენობაში ორგზის ჩემპიონის სტუმრობა, — ამის შესახებ უნგრეთის საგარეო საქმეთა მინისტრმა პიტერ სიიარტომ თბილისის მერ კახა კალაძესთან გამართული შეხვედრის შემდეგ განაცხადა. მან თქვა, რომ ადგილობრივ არჩევნებში ბატონ კალაძეს გულშემატკივრობდნენ და მისი გამარჯვება "მოწმობს, თუ რამდენად კმაყოფილია თბილისის მოსახლეობა მისი საქმიანობით". ამის შესახებ ინფორაციას თბილისის მერია ავრცელებს.

"დიდი პატივია ჩვენთვის, რომ თბილისის მერი კალაძე გვსტუმრობს სამინისტროში. ძალიან იშვიათია ამ შენობაში ორგზის ჩემპიონის სტუმრობა. ვისიამოვნეთ ამ შეხვედრით და დიდ პატივად მივიღეთ. ვამაყობ, რომ ერთმანეთს პირადად დიდი ხანია ვიცნობთ. იშვიათად ვაკვირდებით უცხო ქვეყნის ადგილობრივ არჩევნებს, რადგან ეს საშინაო საქმეა. თუმცა ამ შემთხვევაში ჩვენ ვგულშემატკივრობდით ბატონ კალაძეს, რომ კვლავ მოეგო არჩევნები თბილისში. მან დიდი სხვაობით გაიმარჯვა, რაც ცხადად მოწმობს, თუ რამდენად კმაყოფილია თბილისის მოსახლეობა მისი საქმიანობით. ვთხოვ, რომ თუ აქვს დროს, ჩვენს მერს ბუდაპეშტში ჩაუტაროს ლექციები, დარწმუნებული ვარ, კარგი რჩევების მიცემა შეუძლია დედაქალაქის მართვასთან დაკავშირებით. ვამაყობთ საქართველოსთან და ქართულ ოცნებასთან შესანიშნავი ურთიერთობით. ვამაყობთ, რომ აქ საუბარია ორი ისეთი მთავრობის თანამშრომლობაზე, რომლებიც არიან პატრიოტები, სუვერენიტეტისა და მშვიდობის მომხრეები. მე მერ კალაძეს ვუთხარი, რომ ჩვენ, უნგრელები, ყოველთვის დავუჭერთ მხარს საქართველოს და არ დავუშვებთ, რომ ევროკავშირმა საქართველოს ლიდერებს სანქციები დაუწესოს. უნგრელებმა კარგად ვიცით, რას ნიშნავს, როცა დინების საწინააღმდეგოდ ცურავ და არ ხარ თანხვედრაში ლიბერალურ მეინსტრიმთან. თუმცა იქნებ ეს ერთ-ერთი მიზეზია, რის გამოც უნგრელი ხალხი მხარს გვიჭირს. ვინაიდან თქვენი მთავრობაც პატრიოტულ პოლიტიკას ატარებს, სწორედ ამიტომ უჭერს მხარს მას საქართველო", — განაცხადა პიტერ სიიარტომ.

კალაძემ კიდევ ერთხელ გადაუხადა უნგრეთს და უნგრეთის პრემიერს, ვიქტორ ორბანს მხარდაჭერისთვის.

"შეხვედრაზე ვისაუბრეთ ყველაფერზე, განსაკუთრებული ყურადღება დაეთმო ფსევდო ლიბერალურ იდეოლოგიას, რომელიც თავსმოხვეულია და უდიდეს პრობლემას წარმოადგენს, სერიოზული გამოწვევაა დღეის მდგომარეობით. მინდა, ვისარგებლო შემთხვევით და უნგრეთს, მის ხელისუფლებას, პრემიერმინისტრს ბატონ ვიქტორ ორბანს მადლობა გადავუხადო ქართველი ხალხის, ჩვენი სახელმწიფოს მხარდაჭერისა და თანადგომისთვის. გვიხარია, რომ როგორც საქართველო, ისე უნგრეთი იბრძვის სიმართლისთვის. ეს ძალიან მნიშვნელოვანია", — განაცხადა კახა კალაძემ.