დავუბრუნოთ თბილისს დაკარგული ტერიტორიები - ამ სახელწოდების აქციის გამართვას გეგმავს ერთიანი ნაციონალური მოძრაობა 14 ოქტომბერს. აქციის გამართვის შესახებ პუშკინის სკვერში პარტიის თბილისის მერობის კანდიდატმა, ზალიკო უდუმაშვილმა ისაუბრა.

"ეს ადგილი, სადაც ახლა ჩვენ ვიმყოფებით უკვე აღარ არის პუშკინის სკვერი. თბილისის საკრებულოს უმრავლესობის გადაწყვეტილებით, ამ ადგილს დღეიდან ჰქვია ბიძინა ივანიშვილის გარაჟი... დღეიდან ბოტანიკურ ბაღს ჰქვია ბიძინა ივანიშვილის ბოსტანი", - განაცხადა უდუმაშვილმა.

დღეს, 10 ოქტომბერს დაახლოებით საათ-ნახევრის წინ თბილისის საკრებულოს უმრავლესობამ ყოფილი პრემიერ-მინისტრთან და მმართველი პარტიის დამფუძნებელთან, ბიძინა ივანიშვილთან დაკავშირებული კომპანიებისთვის მიწების გადაცემას მხარი დაუჭირა. საუბარია ოქროყანის დასახლებაში მდებარე 4 400 მ2 მიწის ნაკვეთისა და პუშკინის ქუჩაზე, "ცეკავშირის" მიმდებარე ტერიტორიაზე არსებული 1 900 მ2 მიწის ნაკვეთზე