Business Insider Georgia-ის დამფუძნებელი და სამთავრობო ტელეკომპანია იმედის ერთ-ერთი გადაცემის თანაწამყვანი გიორგი აბაშიშვილი “ოცნების” ხელისუფლების ეკონომიკის და მდგრადი განვითარების სამინისტროში ანაზღაურებადი კონსულტანტი გახდა. ამის შესახებ bm.ge წერს.

ის მარიამ ქვრივიშვილის გუნდს "სამინისტროსთან დაკავშირებული სტრატეგიული კომუნიკაციის ჩარჩოს შემუშავებაში" დაეხმარება.

"გაცნობებთ, რომ შემხვედრი საჭიროებებიდან გამომდინარე, საქართველოს ეკონომიკისა და მდგრადი განვითარების სამინისტრომ, მიზანშეწონილად მიიჩნია, სამინისტროსთან დაკავშირებული სტრატეგიული კომუნიკაციის ჩარჩოს შემუშავების, ანალიტიკური მიმართულების გაძლიერების, კერძო სექტორთან, აკადემიურ და ბიზნესწრეებთან თემატური სტრატეგიული მართვის ხელშეწყობის და გაუმჯობესების მიზნით, განეხორციელებინა შესაბამისი სპეციალისტის მომსახურების შეძენა, რომელიც აქტიურად იქნებოდა დაკავშირებული სტრატეგიული კომუნიკაციების მიმართულებებთან.

აღნიშნულიდან გამომდინარე, შესაბამისი მომსახურების ხელშეკრულება გაფორმდა გიორგი აბაშიშვილთან, მითითებულ სფეროში მისი ცოდნის და სათანადო გამოცდილების გათვალისწინებით", — წერია უწყების მიერ bm.ge-ისთვის გაგზავნილ პასუხში.