ზესტაფონის რაიონულმა სასამართლომ ცოლისა და არასრულწლოვანი შვილის მიმართ ძალადობაში ბრალდებული დამნაშავედ სცნო და სასჯელის სახედ 2 წლის და 6 თვის ვადით პატიმრობა განუსაზღვრა.

სასამართლომ დადასტურებულად მიიჩნია, რომ 2017 წლის ივნისში, სხვისი ნივთის განზრახ დაზიანების ბრალდებით, პირობითი მსჯავრის ქვეშ მყოფმა პირმა ნასვამ მდგომარეობაში, ზესტაფონში, საკუთარ სახლში არასრულწლოვან შვილს მიაყენა ფიზიკური შეურაცხყოფა. ხოლო 2017 წლის ივნისსა და ივლისში, ასევე ნასვამ მდგომარეობაში მყოფმა არასრულწლოვანი შვილის თანდასწრებით სცემა ცოლს.

დაკავებულს ბრალდება წარედგინა ოჯახის წევრის მიმართ, არასრულწლოვნის თანდასწრებით ჩადენილი ძალადობისა და ასევე ოჯახის ერთი წევრის მიერ წინასწარი შეცნობით არასრულწლოვნის მიმართ ძალადობის მუხლებით.

სასამართლოს განჩინებით აღკვეთის ღონისძიების სახით საპატიმრო გირაო - 4 000 ლარის ოდენობით შეეფარდა.