თბილისის საქალაქო სასამართლომ სრულად გაიზიარა პროკურატურის მტკიცებულებები და ყოფილი ცოლის დაზიანებისა და მისი ქმრის მკვლელობის მცდელობისთვის პირი დამნაშავედ სცნო. ინფორმაციას პროკურატურა ავრცელებს.

პროკურატურის ინფორმაციით:

  • 2017 წლის 13 თებერვალს მსჯავრდებულმა ყოფილი ცოლის ქმარს დანით მრავლობითი ჭრილობები მიაყენა და შემთხვევის ადგილიდან მიიმალა;

  • 2016 წლის 3 ივნისს მსჯავრდებულმა ყოფილ ცოლზე იძალადა და ხელჯოხით სცემა, შემდეგ კი, მის მეგობარს ავტომანქანა დაუზიანა.

როგორც საგამოძიებო უწყებაში აღნიშნავენ, სამართალდამცველებმა მსჯავრდებული 2017 წლის 14 თებერვალს ქ. თბილისში დააკავეს. მას ბრალდება სისხლის სამართლის კოდექსის 19,108-ე (მკვლელობის მცდელობა), 111-120-ე (ოჯახის წევრის მიმართ ჯანმრთელობის განზრახ მსუბუქი დაზიანება) და 187-ე მუხლის პირველი ნაწილით (სხვისი ნივთის დაზიანება) წარედგინა.

პროკურატურაში ამბობენ, რომ თბილისის საქალაქო სასამართლომ პირი სრულად სცნო დამნაშავედ წარდგენილ ბრალდებაში და სასჯელის სახედ და ზომად ცხრა წლით თავისუფლების აღკვეთა განუსაზღვრა.