ჩინეთი დღეს მსოფლიოში ერთ-ერთი უდიდესი და ყველაზე დინამიკური ავტოინდუსტრიის ქვეყანაა. თუ ორი ათეული წლის წინ ჩინური მანქანები მხოლოდ ადგილობრივ ბაზარზე იყო პოპულარული და საზოგადოების დიდ ნაწილში მათი ხარისხი ეჭვს იწვევდა, ახლა ვითარება სრულიად შეცვლილია, ჩინური ავტომობილები აქტიურად იყიდება ევროპაში, აზიასა და აშშ-ში.

რამ განაპირობა ჩინეთის ავტოინდუსტრიის განვითარება?

ჩინეთის სწრაფმა ეკონომიკურმა ზრდამ, მასშტაბურმა ინვესტიციებმა და სახელმწიფოს მიერ გაცემულმა სუბსიდიებმა ადგილობრივ ავტომწარმოებლებს საშუალება მისცა მნიშვნელოვნად გაეუმჯობესებინათ თავიანთი პროდუქტები. საბოლოოდ კი, შეძლეს ღირსეული კონკურენცია გაეწიათ იაპონური, კორეული და ევროპული ბრენდებისათვის.

ჩინური ავტოქარხნები აღჭურვილია თანამედროვე ტექნოლოგიებით, რაც პროცესების ავტომატიზაციას ახდენს და მნიშვნელოვნად აჩქარებს წარმოებას. ამასთან, ზრდის პროდუქციის მოცულობასაც. აღსანიშნავია ისიც, რომ ბევრი ჩინური ბრენდი აქტიურად თანამშრომლობს ევროპულ დიზაინ სტუდიებთან, ინჟინრებთან და სერტიფიცირების საერთაშორისო ორგანიზაციებთან, იმისთვის, რომ მათი პროდუქცია გლობალურ სტანდარტებს მოერგოს.

ჩინურმა კომპანიებმა განსაკუთრებული ყურადღება გადაიტანეს ელექტრომობილებისა და ჰიბრიდული მოდელების წარმოებაზე და ამ მიმართულებით მსოფლიო ბაზარზე ერთ-ერთი წამყვანი მოთამაშეები გახდნენ. შესაბამისად, განსაკუთრებით გაიზარდა ამ ტიპის ავტომანქანების ავტო იმპორტი, როგორც საქართველოში, ისე მსოფლიოს სხვა ქვეყნებში.

რატომ გახდა ჩინური მანქანა უფრო კონკურენტუნარიანი?

თუ წარსულში ჩინური ავტომობილების სუსტ წერტილად ხარისხი მიიჩნეოდა, დღეს შეიძლება ითქვას, რომ რეალობა მკვეთრად შეიცვალა. თანამედროვე ჩინური მანქანების დიზაინი ახლოსაა ევროპულ სტილთან, ასევე, მნიშვნელოვნად გაუმჯობესებულია უსაფრთხოების სტანდარტები. აღსანიშნავია ისიც, რომ ეკოლოგიურობის კუთხით ჩინეთი ელექტრომობილების ბაზარზე გამოკვეთილი ლიდერია. ამ ყველაფრის მიუხედავად კი, იაპონურ ან ევროპულ ალტერნატივებთან შედარებით, ფასი მაინც უფრო ხელმისაწვდომია.

ჩინური ავტომობილების იმპორტი საქართველოში

ჩინური წარმოების მანქანების მიმართ დამოკიდებულება მკვეთრად შეიცვალა საქართველოშიც. ქართველმა მომხმარებლებმა დაინახეს, რომ ჩინური ავტოინდუსტრია დიდ არჩევანს სთავაზობს, ფასები კი ბევრად მისაღებია, განსაკუთრებით ელექტრომობილების სეგმენტში. სწორედ ამით არის განპირობებული, რომ დღეს ჩინური მანქანები საქართველოში განსაკუთრებული პოპულარობით სარგებლობს.

ვინ დაგეხმარებათ იმპორტის პროცესში?

ჩინეთიდან ავტომობილის ჩამოყვანა სერიოზულ დაგეგმვას მოითხოვს, რაც ხარჯების გაანგარიშებას, მომწოდებელთან მოლაპარაკებებს, ტრანსპორტირებასა და განბაჟებას მოიცავს. ამ უკანასკნელის შესახებ ინფორმაციის მოწოდებაზე განბაჟების კალკულატორი დაგეხმარებათ, თუმცა, დეტალების გათვალისწინების გარეშე, იმპორტისთვის საჭირო თანხების ზუსტი დაანგარიშება გაგიჭირდებათ. სწორედ ამიტომ მნიშვნელოვანია ისეთ გამოცდილ კომპანიასთან თანამშრომლობა, როგორიც Carmark-ია. მისი გუნდი 20 წელზე მეტია, უზრუნველყოფს მანქანის იმპორტის სრულ პროცესს მსოფლიოს სხვადასხვა კუთხიდან. უკანასკნელ წლებში კი, აქტიურად ეხმარება მომხმარებლებს ჩინეთიდან ავტომობილების ჩამოყვანაში.

Carmark-ის მომსახურებაზე უფრო დეტალური ინფორმაციის მისაღებად დაუკავშირდით კომპანიის მხარდაჭერის გუნდს. საკონტაქტო ინფორმაციისთვის გადადით ბმულზე.