გორის საკრებულოს თავმჯდომარის, ქართული ოცნებიდან დავით რაზმაძის იმპიჩმენტი ვერ შედგა. Qartli.ge-ის ინფორმაციით, კენჭისყრაში მონაწილეობა მხოლოდ 11-მა დეპუტატმა მიიღო.

ადგილობრივი მედიის ცნობით, პროცედურაში მონაწილეობაზე უარი განაცხადა ქართული ოცნების 32-მა წევრმა და ორმა დამოუკიდებელმა დეპუტატმაც, ოპოზიციიდან კი ერთი წევრი არ ესწრებოდა.

კენჭისყრის შედეგები ასე გადანაწილდა: მომხრე – 10, წინააღმდეგი – 0, ბათილი – 1.

ცნობისთვის, დავით რაზმაძის გადადგომას ოპოზიცია მისი ინტერვიუს გამო ითხოვდა, რომელშიც მან თქვა, რომ აგვისტოს ომში რუსები "მშვიდობისმყოფელებად მოვიდნენ" და "მიშას ხულიგნები მთელ ქალაქს ძარცვავდნენ". დავით რაზმაძემ ეს ინტერვიუ New York Times-ს მისცა. საზოგადოების მწვავე რეაქციის შემდეგ დავით რაზმაძემ NYT-ის ჟურნალისტი, სკოტ ანდერსონი ინტერვიუს გაყალბებაში დაადანაშაულა. გორის ოცნების საკრებულოს თავმჯდომარეს New York Times-მა უპასუხა და განაცხადა, რომ სტატიაში დავით რაზმაძის სიტყვები სრული სიზუსტით დაიბეჭდა.

ასევე იხილეთ: