ოცნების იუსტიციის მინისტრმა პაატა სალიამ სპეციალური პენიტენციური სამსახურის ხელმძღვანელის თანამდებობაზე გიორგი პატარიძე წარადგინა. მან პოსტზე ბეჟან ობგაიძე შეცვალა, რომელიც 2 თვის წინ დანიშნეს.

"იუსტიციის მინისტრმა პაატა სალიამ სპეციალური პენიტენციური სამსახურის ხელმძღვანელის თანამდებობაზე გიორგი პატარიძე წარადგინა.

გიორგი პატარიძეს საჯარო და კერძო სამსახურებში, მათ შორის, იუსტიციის სამინისტროს სისტემაში მუშაობის მრავალწლიანი გამოცდილება აქვს.

სპეციალური პენიტენციური სამსახურის ხელმძღვანელის პოზიციაზე დანიშვნამდე იგი იკავებდა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილის თანამდებობას," — წერია უწყების მიერ გავრცელებულ განცხადებაში.

ცნობისთვის, ბეჟან ობგაიძე, რომელიც დღეს გიორგი პატარიძემ შეცვალა, პოსტზე მიმდინარე წლის 18 ივნისს წარადგინეს.