ლაბუბუს თოჯინები დღესდღეობით ნამდვილ ტრენდად იქცა, და "პოპის დედოფალიც" მოდას აჰყვა. დაბადების დღის აღსანიშნავად, მადონამ იტალიაში ფუფუნებით აღსავსე მოგზაურობა მოაწყო და დღესასწაული უზარმაზარი ტორტით დააგვირგვინა, რომელიც ახალი საკოლექციო სათამაშოების, ლაბუბუს ფორმით იყო წარმოდგენილი.

სოციალურ ქსელში 18 აგვისტოს გამოქვეყნებულ ვიდეოში ჩანს, როგორ მოგზაურობს მადონა თავისი მეგობარ მამაკაცთან, აკიმ მორისთან ერთად, იტალიის ქალაქ სიენაში. მათ შეუერთდნენ ვარსკვლავის ქალიშვილებიც — ლორდესი და მერსი. ოჯახმა ათასობით მაყურებელთან ერთად უყურა ქალაქის ტრადიციულ "Palio di Siena"-ს ცხენის რბოლას, რომელიც შუა საუკუნეებიდან ტარდება. "ბევრი წელია, ჩემი ოცნება იყო მენახა რბოლა, რომელიც სიენაში ტარდება ჩემს დაბადების დღეზე, 16 აგვისტოს, ჯერ კიდევ 1482 წლიდან!" — დაწერა მადონამ სოციალურ ქსელში

"ვერცერთი სიტყვა ვერ აღწერს ამაღელვებელ ემოციას, სიურპრიზს და ამ სანახაობრივ რიტუალს! წმინდა განცდაა, როცა ათასობით ადამიანი დუმილს ინარჩუნებს რბოლის დაწყებამდე!" — დასძინა მან. "თვითონ რბოლა აღწერას არ ექვემდებარება. ოცნებები მართლაც სრულდება!"

საღამოს რბოლისა და ფეიერვერკების შემდეგ, მადონას უზარმაზარი ვარდისფერი ტორტი მიართვეს, რომელიც ანთებული ფეიერვერკებითა და ლაბუბუს სკულპტურით იყო გაფორმებული. ტორტის ძირს წარწერა ამშვენებდა: "გილოცავთ დაბადების დღეს, მადუდუ!"

ფოტო: The Sun

67 წლის იუბილარი ვარსკვლავი ჯერჯერობით უკანასკნელია იმ ცნობილი ადამიანების სიაში, რომლებიც ლაბუბუს ტრენდს აჰყვნენ. "საშიშად საყვარელი" გობლინის ფიგურები ბოლო თვეებში ყველას ჩანთებსა და აქსესუარებზე გამოჩნდა. მაგალითად, ცოტა ხნის წინ ლედი გაგამ საკუთარი თავი "ლაბუბუს ადამიანურ განსახიერებად" გამოაცხადა იუმორისტულ ვიდეოში, რომელიც თავისი ტურის კონცერტის წინ გადაიღო.

იხილეთ ასევე: