2025 წელს რუსეთის რეგიონული ხელისუფლება აქტიურად ზღუდავს იმ სფეროებს, სადაც უცხოელებს შეუძლიათ მუშაობა. ერთ-ერთი ასეთი აკრძალვა აგვისტოში სანქტ-პეტერბურგში შემოიღეს, სადაც უცხოელებს კურიერებად მუშაობის უფლება ეკრძალებათ. რუსეთის ხელისუფლება მსგავს შეზღუდვებს 2015 წლიდან აწესებს. ისინი ეხება იმ უცხოელებს, რომლებიც სამუშაო ნებართვის საფუძველზე მუშაობენ.

2024, წელს კროკუსის მერიაში მომხდარი ტერორისტული თავდასხმის შემდეგ უცხოელების წინააღმდეგ გამკაცრებული ზომების ფონზე, აკრძალვები კიდევ უფრო გახშირდა.

სფეროების ჩამონათალს, სადაც რუსეთში მყოფ უცხოელებს 2025 წელს შეუზღუდეს დასაქმება გამოცემა "მედუზა" ავრცელებს.

2025 წელს რუსეთში მცხოვრებ უცხოელებს სამარის ოლქში აეკრძალათ დრონების შეგროვება და პურის გამოცხობა;

იამალ-ნენთა ავტონომიურ ოლქში — გამყიდველად, ექიმად, მასწავლებლად, მზარეულად მუშაობა;

თათრეთში — ტაქსის მართვა, ტექნიკის შეკეთება, დაცვაში მუშაობა და ბუღალტერიის წარმოება;

კამჩატკის მხარეში — ტურისტებთან მუშაობა და კენკრის მოგროვება;

ომსკში — ნადირობა, ალკოჰოლით და სიგარეტით ვაჭრობა, ტაქსის და ავტობუსის მართვა;

კრასნოიარსკის მხარე — დალაქობა და ტყის ჩეხა;

როსტოვის მხარე — მეტალურგიასა და ფიტნეს-კლუბში მუშაობა;

ვლადიმირსკის ოლქი — საბავშვო კვების წარმოება და სახიფათო ტვირთების გადატანა;

ნეჟეგოროდის მხარე — კურიერობა, ექიმობა, მზარეულობა;

პერმის მხარე — ნავთობის და გაზის მოპოვება, ტაქსის და ავტობუსის მართვა;

ჩუვაშიში — ალკოჰოლით ვაჭრობა, ბავშვებისთვის რაიმეს სწავლება და ტაქსისა მართვა;

პეტერბურგში — ტაქსის მძღოლად და კურიერად მუშაობა.