ოცნების პარლამენტის თავმჯდომარე, შალვა პაპუაშვილი დღეს დიდი ბრიტანეთის საელჩოს მიერ გაკეთებულ განცხადებას სოციალურ ქსელში გამოეხმაურა და აღნიშნა, რომ ბრიტანეთის საელჩო ხელისუფლებას პარტიად მოიხსენიებს და ქართველი ხალხის მიმართ "შეუფერებელ ლაზღანდარობას" ავლენს.

"მასპინძელი ხელისუფლების პარტიად მოხსენიებას და ქართველი ხალხის მიმართ მსგავს შეუფერებელ ლაზღანდარობას, უმჯობესი იქნებოდა, თუ ბრიტანეთის ელჩი საკუთარ ქცევაზე გასცემდა ქართველი ხალხის ლეგიტიმურ კითხვას პასუხს: რატომ აპირებდა ექსტრემისტული დღის წესრიგის მქონე ევრონაცების "ტაბულას" და ნაცების "გია ჯაფარიძის" დაფინანსებას, რომელთა გაცხადებული მიზანი თვითმმართველობის არჩევნების ჩაშლაა, ანუ მისივე სიტყვებით რომ ვთქვათ, რომელთა მიზანია "საქართველოს სუვერენიტეტის შესუსტება, შუღლის დათესვა და ქართველი ხალხის ყოველდღიური ცხოვრების შეფერხება", — დაწერა შალვა პაპუაშვილმა.