ბათუმში, გვიან ღამით, შარტავას ქუჩაზე მდებარე სასტუმროსთან სროლა იყო. ინფორმაციას NEWS.On.ge-ს შინაგან საქმეთა სამინისტროში უდასტურებენ. ჩვენი ინფორმაციით, ინციდენტის შედეგად არავინ დაშავებულა.

"აჭარა თაიმსის" ცნობით, გასროლა კაზინოს ერთ-ერთი მომხმარებლის მისამართით განხორციელდა. მათი ინფორმაციით, ინციდენტში, სავარაუდოდ, თურქეთის მოქალაქეები ფიგურირებენ, თუმცა აღნიშნული ფაქტი ჯერჯერობით ოფიციალურად არ დასტურდება.

როგორც NEWS.On.ge-ს შინაგან საქმეთა სამინისტროში განუცხადეს, სროლასთან დაკავშირებით გამოძიება სისხლის სამართლის კოდექსის 236-ე მუხლით დაიწყო, რაც იარაღის უკანონო ტარებას გულისხმობს.