ლენტეხი-ბავარის საავტომობილო გზის ნაწილზე დროებით ყველა სახის ავტოტრანსპორტის გადაადგილება შეიზღუდება. ინფორმაციას ამის შესახებ საავტომობილო გზების დეპარტამენტი ავრცელებს.

მათი ცნობით, შეფერხება უხვი ნალექის შედეგად მდინარის ადიდებამ გამოიწვია, რის შედეგადაც გზა დაზიანდა.

"შიდასახელმწიფოებრივი მნიშვნელობის ლენტეხი-ბავარის საავტომობილო გზის კმ20-კმ24 მონაკვეთზე, უხვი ნალექის შედეგად ადიდდა მდინარე და დააზიანა საავტომობილო გზა, რის გამოც, აღნიშნულ მონაკვეთზე დროებით იზღუდება ყველა სახის ავტოტრანსპორტის მოძრაობა," — წერია საავტომობილო გზების დეპარტამენტის მიერ გავრცელებულ ინფორმაციაში