ახალი ამბები On.ge

ელენე ხოშტარია

23 Jun. 2025, 17:30

"დღეს კომიკურმა ავტოკრატებმა კიდევ ერთი გადაწყვეტილება მიიღეს პოლიტიკური ოპონენტების დაჭერის შესახებ. ახლა ჩვენ მოვისმინეთ განაჩენი მამუკა ხაზარაძესთან დაკავშირებით, რომ ის წავა ციხეში. ასევე ჩატარდა ნიკა მელიას პროცესი და მალე მიიღებენ გადაწყვეტილებას, რომ ნიკა მელიაც დაიჭირონ რაღაც გაუგებარი ბრალდებით. დღეს ხუთ საათზე, სავარაუდოდ, ბადრი ჯაფარიძეზე მიიღებენ გადაწყვეტილებას. ჩვენ ვნახეთ დღეს ისტერიული განცხადება ირაკლი კობახიძის. ჰეზბოლას სტუმარი ირაკლი კობახიძის, რომელიც ამბობს, რომ არ აღიარების გამო ყველას დაიჭერენ ციხეში. დიახ, არ აღიარება არის მთავარი იარაღი. არ აღიარება არის, რაც მელიამ, გვარამიამ, ზურამ, ოქრუაშვილმა, ხაზარაძემ და ბადრიმ გააკეთეს. არ აღიარებენ, მათ შორის, ციხეში წასვლის ხარჯზე. ამიტომ, სრული სოლიდარობა ყველას. უნდა გავაგრძელოთ ბრძოლა ზუსტად იგივე შემართებით. არ აღიარება, არ მიღება, დელეგიტიმაცია და ჩამოშორება ამ ხალხის."

განაცხადა კოალიცია ცვლილებებისთვის ლიდერმა, ელენე ხოშტარიამ მამუკა ხაზარაძის დაკავების შემდეგ გამართულ ბრიფინგზე.

ცნობისთვის, მამუკა ხაზარაძეს დღეს 8-თვიანი პატიმრობა მიუსაჯეს.

მას ბრალი სისხლის სამართლის კოდექსის 349-ე მუხლით ჰქონდა წარდგენილი, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს, აღნიშნული ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

0 0

კომენტარები

კვირის ტოპ-5

  1. მგზავრები ხელბარგისა და მცირე ზომის ჩემოდნების ატანას თვითმფრინავში უფასოდ შეძლებენ
  2. მიხაილ შვიდკოი: სტურუას "ვეფხისტყაოსნის" ნახვის ცდუნება იმდენად დიდი იყო, რომ თბილისში ვიზიტის ამას დავამთხვიე
  3. რა ვიცით ქართული პასპორტის მქონე კაცზე, რომელმაც პოლონეთში პუტინის კრიტიკოსი მხატვარი მოკლა?
  4. მერაბ დვალიშვილი: არც მე მესიამოვნა, ჯასტინ გეიჯის გამარჯვებაზე ნინა დრამამ ტაში რომ დაუკრა
  5. დუმაში აცხადებენ, რომ დროა სერიოზული ომი დაიწყონ უკრაინასთან

გირჩევთ

ახლა კითხულობენ